Plantun de Prouvènço

Pèr coumpara dos planto d'encò nostre

Cuscuta approximata & Leucanthemum pallens

Péu-de-lin(-di-sepalo-lusènto)

Cuscuta approximata

Convolvulaceae

Àutri noum : Péu-de-lin, Péu-de-damo, Rasco, Barbo-de-mouine, Cuscuto.

Nom en français : Cuscute approximative.

Descripcioun :
Lou péu-de-lin-di-sepalo-lusènto, pulèu rare, douno d'èr à Cuscuta epithymum, pamens la planto èi pu forto amé de flour blanco. Se n'en destrìo subretout que si sepalo soun lusènto e ounte se vèi de costo reticulado (fotò); la subsp. de Prouvènço ié dison approximata.

Usanço :
Li péu-de-lin soun pas acampa au nostre. Caupon un glucoside, la cuscutino, qu'ajudo à caga e à secreta la bilo. La cuscuto de Chino, Cuscuta sinensis, èi vertuouso contro li proublèmo de proustato e d'ourmono encò lis ome o li femo. Se chabis en gelulo dins lou coumèrci. Tant se poudrié que siegue parié pèr li nostre.

Port : Erbo
Taio : 10 à 30 cm
Fueio : ges
Tipe bioulougico : Teroufite
Cicle bioulougico : Planto de l'an

Gènre : Cuscuta
Famiho : Convolvulaceae

Ordre : Solanales

Coulour de la flour : Blanco
Petalo : 5
Ø (o loungour) enflourejado : 5 à 9 mm
Flourido : Printèms - Estiéu

Sòu : Ca
Autour basso e auto : 0 à 1200 m
Aparado : Noun
Mai à juliet

Liò : Tepiero seco - Relarg à jóuinis aubret
Estànci : Subremediterran à Mountagnard
Couroulougi : Paleoutemperado
Ref. sc. : Cuscuta approximata Bab., 1844

Margarido(-palinello)

Leucanthemum pallens

Asteraceae Compositae

Nom en français : Marguerite pâle.

Descripcioun :
Aquelo margarido pòu èstre mai o mens grando, ramificado o pas gaire. Se recounèis à si bratèio de flour coumpausado (de l'invoulucre) que soun proun claro, blanco o un pau brunello au contro de la margarido coumuno. Es estado de tèms counfoundudo emé la subsp. leucopsis de Leucanthemum vulgare. Pèr la destria, fau regarda que li fueio de la cambo siegon emé de dènt pas trop longo (< 3 mm - fotò).

Usanço :
Soun li mémis usanço que la margarido-di-prat.

Port : Erbo
Taio : 20 à 120 cm
Fueio : alterno
Tipe bioulougico : Emicriptoufite
Cicle bioulougico : Planto renadivo

Gènre : Leucanthemum
Famiho : Asteraceae
Famiho classico : Compositae
Tribu : Anthemideae
Ordre : Asterales

Coulour de la flour : Blanco Jauno
Petalo : >6
Ø (o loungour) enflourejado : 2,5 à 5 cm
Flourido : Estiéu

Sòu : Ca
Autour basso e auto : 0 à 1700 m
Aparado : Noun

Liò : Tepiero umido - Esboudèu - Bos clar - Relarg à jòuinis aubret
Estànci : Mesoumediterran à Mountagnard
Couroulougi : Éuropènco-Sud
Ref. sc. : Leucanthemum pallens (J.Gay ex Perreym.) DC., 1838

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Cuscuta approximata & Leucanthemum pallens

ges

Coumpara Péu-de-lin(-di-sepalo-lusènto) emé uno autro planto

Coumpara Margarido(-palinello) emé uno autro planto